Dak Lak kčŭt hưn, mă kơ̆ng 4 čô yua êa drao kăm mkra mjing êtak čăt
Thứ sáu, 15:34, 27/12/2024
VOV TAYNGUYEN
VOV TAYNGUYEN
VOV4.Êđê- Adŭ bruă Kahan ksiêm bruă duh mkra, kahan ksiêm čar Dak Lak kčŭt hưn, mă kơ̆ng 4 čô yua êa drao kăm mkra mjing êtak čăt
Adŭ bruă kahan ksiêm duh mkra, Anôk bruă kahan ksiêm čar Dak Lak mrâo bi mklă mơ̆ng kơ̆ng 4 čô, mâo: Lâm Văn Đạo, Vũ Duy Tư, Nguyễn Văn Quynh lehanăn Nguyễn Văn Hảo hŏng klei ngă soh kơ klei doh êƀăt mnơ̆ng ƀơ̆ng.
Hluê anăn, Adŭ bruă kahan ksiêm duh mkra, Anôk bruă kahan ksiêm čar Dak Lak nao ksiêm dlăng leh 6 anôk mkra êtak čăt ti alŭ wăl ƀp Ƀuôn Ama Thuôt lehanăn ƀuh 4 čô anei yua mta jhat čiăng mkra êtak čăt. Anei jing dŭm mta êa drao amâo dưi ba yua hlăm hdră mkra mnơ̆ng ƀơ̆ng ti Việt Nam. Ti anôk bruă kahan klsiêm, phung anei hưn hlăm thŭn 2024, êpul mkra lehanăn ba čhĭ kơ wăl anôk mnia mblei 2.900 ton êtak čăt mâo mta ruă anei, kah knar grăp hruê čhĭ mơ̆ng 8 – 10 ton./.
Viết bình luận