Phung bi ala akâo mghaih msiê djăp mta klei dôk gun kpăk, klei dleh dlan kơ klei kiă kriê anôk bruă knŭk kna, čiăng kơ jih jang bruă ngă mâo mkiêt mkriêm sĭt, ngă bruă hŏng klei tŭ dưn. Mơ̆ng klei ksiêm dưi ƀuh, bruă kiă kriê, djă yua ngăn prăk knŭk kna, jih jang prăk mkăn mơ̆ng knŭk kna mâo leh lu kle ibi mlih jăk, hŏng klei kjăp lehanăn tŭ jing hĭn.

Siămdah, hlăm klei hâo mdah ăt lač klă, bruă tĭng mkă ngăn prăk knŭk kna bi liê ăt adôk ka djŏ. Dŭm êbâo mta bruă dôk êmưt, ngă luič liê ngăn prăk knŭk kna, luič jih klei găl mđĭ kyar lăn čar. Phung bi ala akâo amâo lŏ bi krưĭ ôh bruă knuă, boh nik dŭm mta bruă kơ krĭng ƀuôn sang, krĭng mnuih djuê ƀiă. Hlăm dŭm hdră mâo bi êdah, phung bi ala akâo mghaih msir hĕ bi leh dŭm bruă phŭn, amâo mâo mkă tĭng msĕ sơăi ôh. Boh nik čoh čuăn klei mkiêt mkriêm, bi kdơ̆ng hŏng klei bi liê pliă plia, mđing hĭng kơ klei thâo săng, lehanăn phung khua êmua bi mâo ai tiê kpă, boh nik hŏng phung khua păn akŏ anôk bruă, alŭ wăl./.