Blŭ hlăm knăm bi klă hră bi hdơr pla wah 2 alŭ wăl, Dương Văn Trang, Khua hlăm bruă Đảng gưl dlông, Khua bruă Đảng čar, Khua kiă kriê Êpul gơ̆ng bruă ƀuôn sang čar Kon Tum leh anăn Lệt Xay-nhạ-phon, Khua hlăm bruă Đảng gưl dlông Đảng yang ƀuôn cách mạng Lào, Khua bruă Đảng čar, Khua kiă kriê čar Attapư yap yuôm bhăn dŭm boh tŭ dưi mâo hlăm klei bi mguôp plah wah 2 čar hlăm hruê mmông êgao, mbĭt anăn lŏ mñă klă srăng mđĭ hĭn klei bi mguôp, bi kjăp leh anăn mđĭ hĭn klei bi hgŭm, bi mguôp kluôm ênŭm plah wah čar Kon Tum leh anăn čar Attapư.

Hluê si klei thâo bi săng, đăo knang hdơ̆ng pô leh anăn dŭm boh tŭ dưi mâo, ƀuh klă dŭm klei dleh dlan, klei lông dlăng, bruă sang čư êa čar Kon Tum leh anăn bruă sang čư êa čar Attapư, ala čar Lào bi klă leh hră bi hdơr kơ klei bi mguôp wưng thŭn 2022 -2027 hŏng dŭm mta kñăm klă klơ̆ng hlăm bruă kđi čar, bruă hŏng tač êngao, Bruă lĭng kahan, bruă duh mkra, mtô mjuăt bi hriăm leh anăn mđĭ kyar mnuih mă bruă.