Aguah 3/11, ti ƀuôn prŏng Kon Tum, Êpul knuă druh khua gĭt gai čar Kon Tum leh anăn čar Sê Kông, ala čar Lao mâo leh mmông mă bruă ksiêm dlăng klei tŭ bi hgŭm wưng êgao leh anăn bi siñê klei bi hdơr kơ klei bi hgŭm wưng 2022-2027.

Knơ̆ng bruă sang čư̆ êa čar Kon Tum leh anăn bruă sang čư̆ êa čar Sê Kông bi siñê leh Hră bi hdơr mâo 7 mta klei bi hgŭm plah wah 1 čar wưng 2022-2027.

Kon Tum leh anăn Sê Kông lŏ dơ̆ng bi hgŭm tliêr kjăp kơ klei êđăp ênang, mkŏ mjing knông lăn hơĭt kjăp, bi hgŭm leh anăn đĭ kyar kluôm ênŭm; lu jơr dŭm bruă mđĭ duh bi liê mnia blei, mtrŭt phung duh bi liê duah klei găl bi liê leh anăn pŏk ngă hdră bruă ti 2 čar; mjing klei găl kơ hđeh sang hră čar Sê Kông nao hriăm ti čar Kon Tum hlue si hdră gưl prŏng wưng 2024-1029 leh anăn brei phung knuă druh, hđeh sang hră čar Kon Tum nao hriăm ti Lao hlue hdră hriăm mbŏ bhiâo; mđĭ mkŏ mjing tuôr, gưl hiu čhưn čiăng ba yua klei găl hiu čhưn ênguê bruă duh mkra Ngŏ -Yŭ…