Hluê ngă klei gĭt gai mơ̆ng k’iăng Khua Knŭk kna Trần Hồng Hà hlăm klei kƀĭn online tal 31 Êpul gĭt gai ala čar kơ bruă gang mkhư̆ klei mă kan hdang soh hdră bhiăn, amâo maoa hưn leh anăn amâomâo djŏ klei čuăn (IUU).

Bruă sang čư̆ êa čar Lâm Đồng mrâo mâo hră mtrŭn mñă kơ dŭm knơ̆ng, dhar bruă, alŭ wăl hluê ngă ktang phĭt dŭm hdră êlan kriê dlăng, ksiêm dlăng kŭm păn amâo mâo djăp klei găl ngă bruă.

Bruă sang čư̆ êa čar Lâm Đồng mnă kơ knơ̆ng bruă lŏ hma leh anăn wăl hdĭp mda kiă kriê, gĭt gai anôk bruă kan hdang leh anăn êa ksĭ plao ksĭ mnêč čih yap, ngă hdră anăn kŭm păn amâo mâo djăp klei găl ngă bruă hluê grăp alŭ wăl gưl să. Klei tĭng mkă mâo mrô kŭm păn, anăn pô kŭm păn, mrô VNeID, anôk dôk leh anăn mrô đĭng blŭ mơĭt kơ dŭm alŭ wăl hlăm hruê 26/2/2026 čiăng mkŏ mjing klei ksiêm dlăng. yap truh mlan 2/2026, čar Lâm Đồng mâo 8.207 kŭm păn, hlăm anăn 7.234 kŭm păn dôk hră ngă bruă, mâo êbeh 88%, 973 boh kŭm păn amâo mâo djăp klei ngă ngă bruă dưi ngă hră anăn ksiêm dlăng kjăp leh anăn amâo brei đuê̆ mơ̆ng kdŭn ksĭ.