Mñă ktang bruă klam kơ anôk bruă ksiêm duah, răng mgang klei êđăp ênang thŭn 2026 leh anăn hlăm dŭm thŭn kơ anăp, Khua gĭt gai Đảng Tô Lâm mñă klă, knuă druh, lĭng kahan anôk bruă ksiêm duah, răng mgang klei êđăp ênang phŭn bruă kahan ksiêm lŏ dơ̆ng bi êdah knhuah hdĭp siă suôr hŏng Đảng, Knŭk kna leh anăn mnuih ƀuôn sang, bi leh jăk bruă klam răng mgang klei êđăp ênang bruă kđi čar, klei êđăp ênang yang ƀuôn, bi klă bruă klam mkŏ mjing dŭm klei găl čiăng hluê ngă tŭ dưn dŭm bruă klam răng mgang lăn čar.

Êngao kơnăn, Khua gĭt gai Đảng Tô Lâm ăt mñă kơ anôk bruă ksiêm duah răng mgang klei êđăp ênang čŏng pô thâo klă boh sĭt mơ̆ng hnưm, mơ̆ng kbưi, amâo brei kdjăt kƀla hlăm djăp boh klei, thâo săng klă, mgaih msir djŏ dŭm boh klei hlăm klei êđăp ênang lăn čar, nao mbĭt hŏng boh tŭ dưn mơ̆ng lăn čar, thâo kral hnưm, mkŏ mjing klei ksiêm duah, ƀuah mkra ktang phĭt klei hâo hưn, bi rai dŭm hdră êlan mơ̆ng Đảng.