Čar Lâm Đồng jing alŭ wăl mâo lu klei găl kơ bruă hiu čhưn ênguê, bruă lŏ hma ti Việt Nam. Klei găl mơ̆ng yan adiê mkŏ mjing leh sa wăl jăk leh anăn amâo mâo anôk mkăn dưi mâo msĕ čiăng kơ čar Lâm Đồng dưi mkra mjing lu mta boh mnga bruă lŏ hma hnơ̆ng tŭ jăk. Êjai anăn Australia dôk mâo klei čiăng lu kơ kphê, êjai kah knar grăp čô mnuih ƀuôn sang ti ala čar anei ba yua 2kg kphê hlăm sa thŭn. Australia dưi yap jing anôk mnia mblei mâo lu klei găl hŏng asăr kñŭl leh anăn dŭm mta mnga mơ̆ng čar Lâm Đồng.

Kyuanăn, bruă sang čư êa čar Lâm Đồng tiŏ nao leh êpul ngă bruă truh ti Australia mă bruă leh anăn mkŏ mjing hdră mtrŭt mđĭ klei mnia mblei. Êngao kơ bruă anăn, čar Lâm Đồng ăt hmănh hmưi Australia ba jao kdrăp mkra mjing mjĕ, kdrăp bhu krô boh mnga bruă lŏ hma hŏng pil yang hruê, bruă lŏ hma thâo mĭn, kdrăp mgaih msir dhah djâo bruă lŏ hma….