Knơ̆ng bruă jia čar Dak Lak brei thâo, yap truh jih mlan 10/2022 ênoh hrui wĭt prăk knŭk kna mơ̆ng bruă Jia Dak Lak hlue ngă, mâo giăm 5000 êklai prăk, hgao hdră kčah jih thŭn, đĭ êbeh 20% mkă hŏng wưng anei thŭn dih. Dŭm ênoh hrui wĭt mâo hnơ̆ng đĭ mkă hŏng wưng anei thŭn dih mâo: Prăk hrui mơ̆ng dŭm anôk bruă duh mkra, prăk jia mde mnuih, prăki mưn lăn leh anăn prăk mơ̆ng hră mrô.

Klei tŭ prăk hrui wĭt knŭk kna ti Dak Lak thŭn anei ăt mâo klei đĭ kyar man dưn ti dŭm alŭ wăl, hŏng 10/13 anôk bruă hlăm bruă Jia hgao hdră mĭn tĭng jih thŭn 2022. Mơ̆ng ară anei truh jih thŭn Knơ̆ng bruă jia Dak lak lŏ dơ̆ng kƀĭn pŏk ngă tŭ dưn dŭm êpul hdră msir kriê dlăng prăk jia, hlăm anăn kƀĭn mđĭ ktang hdră msir kriê dlăng eneoh hrui, bi kdơ̆ng luič liê nư đuôm, êngao anăn mđĭ dŭm hdră msir đru kơ phung tuh jia mơ̆ng dŭm hdră msir mkra mlih hră mơar./.