Hlue si Anôk bruă djuê ana čar Dak Lak, kluôm čar ară anei mâo giăm 1000 čô mâo kơhưm hlăm êpul êya mnuih djuê ƀiă. Anei jing phung hdĭp mda ti alŭ wăl, thâo săng klei bhiăn hdĭp mda mnuih ƀuôn sang, bi hmô hlăm bruă duh mkra ala ƀuôn mơ̆ng gŏ sang leh anăn êpul êya. Hlăm dŭm thŭn êgao, phung mâo kơhưm jing leh kmeh gơ̆ng phŭn, jing kban mkŏ yuôm bhăn plah wah knŭk kna hŏng mnuih ƀuôn sang dŭm djuê ana, đru mguôp prŏng hlăm hdră iêô jak mnuih ƀuôn sang dŭm djuê ƀiă mkŏ mjing Đảng, bruă sang čư̆ êa, bruă kđi čar ti Dak Lak.

Hlăm klei bi kƀĭn,

phung bi ala bi trông, kah mbha klei thâo hlăm klei mđĭ lar bruă klam phung mâo kơhưm hlăm bruă mđĭ kyar bruă duh mkra- ala ƀuôn, răng kriê leh anăn mđĭ lar knhuah dhar kreh djuê ana, rơ̆ng klei êđăp ênang kđi čar leh anăn klei êđăp ênang ala ƀuôn ti alŭ wăl. Gưl anei, čar Dak lak pah mni kơ 100 čô mnuih mâo kơhưm êdah êdi thŭn 2022./.