Hluê si klei hưn, truh hruê 10/2, čar Gia Lai bi leh bruă mkŏ mjing êpul gĭt gai leh anăn dhar bruă ruah khua čar, 135 să, ƀuôn hgŭm mkŏ mjing dhar bruă mplĕ hră djŏ klei čuăn.

Kluôm čar mâo 2.179 alŭ wăl mplĕ hră hŏng êpul mplĕ hră mĭn tĭng djŏ hdră bhiăn, hră anăn phung mplĕ hră mâo giăm 2,6 êklăk čô. Blŭ hrăm gĭt gai, Trịnh Văn Quyết mñă kơ brei lŏ dơ̆ng hyuă kjăp, mkŏ mjing klei sa ai hlăm mnuih ƀuôn sang, mđĭ hĭn klei hâo hưn kơ klei dưi, bruă klam mnuih ƀuôn sang, mkŏ mjing klei găl kơ phung mgơ̆ng asei lŏ dơ̆ng bi tuôm hŏng phung mplĕ hră, mprăp jăk kơ gưl kƀĭn tal 3, rơ̆ng dưi ruah phung bi ala êdah êdi leh anăn năng.