Bi hdơr 96 thŭn hruê mkŏ mjing Đảng Cộng sản Việt Nam, kkuh drông klei tŭ jing Klei bi kƀĭn tal 14 mơ̆ng Đảng leh anăn mprăp drông tết Nguyên Đán Bính Ngọ 2026, aguah (10/02) Khua gĭt gai Đảng Tô Lâm nao myơr brui mgưi, myơr mnga bi hdơr kơ phung khua gĭt gai êlâo dih mơ̆ng Đảng leh anăn phung jhŏng ktang êngiă asei ti Hưng Yên leh anăn Bắc Ninh.

  Hlăm ai êwa kdrưh kơăm, mgei ai tiê, ti Anôk bi hdơr kơ Khua gĭt gai Đảng Nguyễn Văn Cừ (ƀuôn hgŭm Phù Khê, čar Bắc Ninh), Khua gĭt gai Đảng Tô Lâm hŏng Êpul bi ala mpŭ myơr brui mngưi bi hdơr kơ ai tiê prŏng prĭn, đru mguôp mơ̆ng Khua gĭt gai Đảng Nguyễn Văn Cừ, mnuih cộng sản bi hmô, êdah kdlưn mơ̆ng djuê ana Việt Nam leh anăn ƀuôn sang Bắc Ninh. Ti Sang bi hdơr kơ Khua gĭt gai Đảng Nguyễn Văn Linh (să Nguyễn Văn Linh, čar Hưng Yên), Khua gĭt gai Đảng Tô Lâm leh anăn Êpul bi ala myơr mnga, myơr brui mngưi bi êdah klei mpŭ ti anăp rup Khua gĭt gai Đảng Nguyễn Văn Linh, sa čô đảng viên ba anăp, jih klei hdĭp kyua klei êngiê kơ djuê ana leh anăn yang ƀuôn ngă phŭn, khua  gĭt gai kjăp, mbruă, bi hmô “Blŭ leh anăn ngă”, sa čô hđeh sang hră êdah êdi mơ̆ng Khua gĭt gai Hồ Chí Minh, pô êdah êdi mơ̆ng ƀuôn sang Hưng Yên.