Blŭ hrăm klah čŭn mmông mă bruă, Đại tướng Trịnh Văn Quyết bi mni kơ klei ngă pral, klă klơ̆ng mơ̆ng čar Quảng Ngãi hlăm bruă mprăp ruah khua.  Đại tướng Trịnh Văn Quyết lač, djăp bruă mkŏ mjing, mnuih mă bruă, rơ̆ng êđăp ênang mâo pŏk ngă kjăp, djŏ hdră kčah.

Trịnh Văn Quyết mtă, gưl ruah khua tal anei mkŏ mjing hlăm boh klei hlue ngă knŭk kna alŭ wăl dua gưl, leh dăp anôk bruă hră mơar, alŭ wăl prŏng, sa kdrêč knuă druh nah gŭ tal êlâo hgŭm hlăm klei ruah khua. Kyua anăn, čar Quảng Ngãi brei lŏ dơ̆ng mđĭ klei mtô bi hriăm, ksiêm dlăng kjăp anăn phung bi ala kơ mnuih ƀuôn sang, boh nik dŭm anôk bruă duh mkra mâo ênoh phung bi ala kơ mnuih ƀuôn sang bi mlih lu.