Klei bi lông online kơ klei mkra mlih hră mơar čar Dak Lak 2022 dưi mkŏ mjing mơ̆ng hruê 15/11 truh hruê 30/11/2022, mâo 17 êbâo 7 êtuh čô bi lông. Anôk bruă mđup breu leh 1 klei pah mni kơ êpul mâo knuă druh leh anăn phung mă bruă bi lông lu hĭn leh anăn 26 klei pah  mni kơ phung mâo ênoh klei wĭt lač djŏ lu hĭn, mâo wưng bi lông pral hĭn.

Klei bi lông amâo djŏ knŏng đru mđĭ ktang bruă hâo hưn mtô mblang mkra mđĭ hră mơar đuič ôh ƀiădah lŏ mđĭ klei hâo hưn jăk anăn jing “Čiăng mkŏ mjing bruă sang čư̆ êa čar Dak Lak mrâo mrang pioh kơ mnuih ƀuôn sang, grăp čô knuă druh, phung mă bruă brei tui hriăm, mbŏ klei thâo, mđĭ bruă pô”; mă mnuih ƀuôn sang ngă phŭn mjing hnơ̆ng ksiêm dlăng hnơ̆ng ngă bruă hră mơar knŭk kna.