Ti knăm anei, Anôk mkŏ mjing jao leh 2 klei pah mni mta A, 4 klei pah mni mta B, 6 klei pah mni mta C lehanăn 10 klei mđĭ ai truh kơ pô čih, êpul čih. Anôk mkŏ mjing ăt ksiêm dlăng, ruah 34 klei čih mâo hnơ̆ng tŭ jăk, ba mơĭt kơ Klei bi lông bruă klei mrâo kluôm ala kơ hdră mkŏ mjing Đảng tal IX, thŭn 2024.

Anei jing dŭm klei čih êdah êdi, hlăm anăn mâo 210 klei čih mâo ruah. Klei pah mni thŭn anei čih yap leh dŭm klei đru mguôp êdah êdi hlăm bruă hưn lač kơ hdră mkŏ mkra, ƀư̆ mkra Đảng, răng mgang tur knơ̆ng, hdră gang mkhư̆ klei ƀơ̆ng ngăn, klei ngă amâo djŏ. Boh nik, lu klei čih ba wĭt leh asăp hưn mthâo yuôm bhăn, mjing klei lar bra jăk hlăm êpul êya. Ăt ti knăm anei, Huỳnh Thị Chiến Hòa, Kơiăng khua bruă Đảng čar, Khua Êpul gơ̆ng bruă ƀuôn sang čar Dak Lak mtrŭt mjhar Klei bi lông bruă klei mrâo kơ hdră mkŏ mkra Đảng čar Dak Lak tal VII, thŭn 2025./.