Hdră anei kñăm tŭ drông hruê knhuah gru êpul êdam êra ba anăp 15/7, bi hdơr hruê phung lĭng kahan êka – djiê êngiă 27/7. Hlăm hdră, phung bi ala lŏ wĭt bi hdơr knhuah gru 73 thŭn êpul êdam êra ba anăp, ktuê dlăng dŭm klei kdŏ mmuñ bi mni kơ ai tiê bi blah, amâo mâo rŭng răng, klei đăo knang mâo klei dưi leh anăn dŭm klei bi khăp mơ̆ng phung ƀĭng hgŭm.

Phung bi ala Êdam êra ba anăp hđăp čar dak lak ăt yăl dliê kơ dŭm klei amâo mâo dưi wơr êjai nao bi blah, klei khăp mah jiăng, klei bi mguôp lĭng kahan hŏng mnuih ƀuôn sang gĭr bi leh bruă klam leh anăn dŭm klei luč liê. Wưng anei, êpul mkŏ mjing mđup brei leh 15 hră mkiêt mkriêm prăk (grăp pŏk hră mâo ênoh 5 êklăk prăk) leh anăn 32 hnư mnơ̆ng kơ phung êdam êra ba anăp hđăp mâo klei hdĭp dleh dlan.