Ară anei, ti dŭm anôk bi hrŏ hnơ̆ng pui kmlă 110kV amâo mâo mnuih kiă ti čar Dak Lak, bruă mlih hnơ̆ng pui kmlă mơ̆ng masin bi hrŏ hnơ̆ng pui kmlă dưi ngă ti anôk kiă kriê pui kmlă čar. Kyua mâo lu masin bi hrŏ hnơ̆ng pui kmlă, klei ngă bruă mlih hnơ̆ng mơ̆ng kbưi srăng mâo klei êmưt, hmăi kơ bruă mkăp brei pui kmlă leh anăn mmông yua dŭm kdrăp yua, ngă klei hmăi kơ bruă duh mkra.

Bruă lông yua bruă lông yua Masin čŏng êran bi hrŏ hnơ̆ng pui kmlă ti anôk bi hrŏ hnơ̆ng pui kmă 110 kV Ƀuôn Hồ leh anăn Krông H’Nang srăng đru bi kna hnơ̆ng pui kmlă rơ̆ng klei jăk kơ êlan pui kmlă leh anăn amâo mâo êgao hnơ̆ng, bi hrŏ klei luč liê pui kmlă, mđĭ boh tŭ hlăm bruă kriê dlăng klei bi êran, mđĭ klei đăo kang mkăp brei pui kmlă. Êdei anei, PC Dak Lak srăng yua kdrăp čŏng mlih hnơ̆ng pui kmlă hlăm djăp anôk bi hrŏ hnơ̆ng pui kmlă, ƀrư̆ ƀrư̆ truh kơ mta kñăm pui kmlă thâo mĭn kơ êdei anăp.