VOV4.Êđê -  Hruê 18/10, Knơ̆ng bruă sang čư̆ êa čar Dak Lak bi hgŭm hŏng Adŭ bruă mnia blei leh anăn duh bi liê Việt Nam(VCCI) mkŏ mjing Klei bi trông mkra mđĭ wăl duh bi liê mnia blei - mđĭ bruă duhb mkra ti čar đĭ kyar. Hlăm klei bi kƀĭn, phung bi ala ksiêm hriăm kơ Klei kčah mtrŭn mrô ksiêm dlăng klei thâo gĭt gai gưl nah gŭ, anôk bruă, dhar bruă leh anăn alŭ wăl.

Mbĭt anăn bi trông kơ dŭm klei găl, klei lông dlăng hŏng čar Dak Lak hlăm bruă mkra mđĭ wăl hdĭp mda. Hlue si phung bi ala, dŭm thŭn êgao, Dak Lak mâo leh lu klei bi mlih hlăm bruă mjing klei găl kơ dŭm anôk bruă mnia blei ba yua dŭm hdră êlan kơ lăn ala; mâo knhuang đĭ kyar hlăm klei khăt bi hrŏ amâo klă sĭt; Mjing klei mtăp mđơr hlăm wăl hdĭp mda mnia blei; Hdră êlan đru kơ anôk bruă mnia blei găl ênưih. Khădah snăn, phung bi ala ăt brei thâo, klei gĭr mkra mđĭ ti đa đa alŭ wăl ka klă, dôk mâo hlăm hră mơar đuč, ka klă sĭt msĕ hŏng boh sĭt hŏng anôk bruă duh mkra; Lu hră mơar dôk mtŭk mtŭl./.

VOV/Pô mblang: H’Zawut