Truh kơ ară anei, knơ̆ng bruă ngă leh bruă mkŏ mdưm mmông pui kmlă dlăng mơ̆ng kbưi kơ 100% phung ba yua hlăm čar. Jih jang 590.000 čô phung ba yua dưi mkra mlih hră kuôl kă yua pui kmlă jing hră kuôl kă điện tử, ênưih bi mrâo, ksiêm dlăng klei hưn kơ pui kmlă, mrô mmông pui, hruê khăt pui kmlă, mtô kơ klei ba yua pui kmlă êđăp ênang, mkiêt mkriêm…knŏng hŏng bruă mơĭt hlăm zalo amâodah hŏng kdrăp dưn yua đru kơ phung ba yua. Êngao kơnăn, knơ̆ng bruă ba leh jih jang hră mơar jing dŭm hdră, klei čih pioh điện tử čiăng ƀrư̆ ƀrư̆ mđĭ hnơ̆ng bruă kriê dlăng.

Hluê anăn, knuă druh ngă bruă dưi ƀuh rup klă sĭt êlan klei pui, klei čih kơ dŭm kdrăp yua pui…Ngă dŭm mta bruă mơ̆ng kbưi knăm hmao mgaih msir klei truh. Mbĭt anăn, PC Dak Lak bi klă leh klei bi mguôp hŏng 15 knơ̆ng prăk leh anăn 9 êpul bruă ti krah, đru kơ phung ba yua găl hlăm bruă tĭng tla prăk pui, bi hrŏ hruê mmông, prăk êrô êbat. Knơ̆ng bruă ăt bi mguôp kjăp hŏng anôk bruă đru kơ phung ba yua mơ̆ng Knơ̆ng bruă pui kmlă krĭng Kwar krah čiăng tŭ mă, mgaih msir hmar dŭm klei hưn mơ̆ng phung ba yua hlăm dŭm mbah: Mrô đĭng blŭ19001909, email, website leh anăn mbah yang ƀuôn (Facebook, Zalo...).