Hrue mbrue (18/11), ti anôk bi hdơr 40 thŭn hrue phung nai mtô Việt Nam, mpŭ mni kơ grăp čô nai, êpul phung nai kdlưn hĭn ti Daknông, Khua kiă kriê knơ̆ng bruă sang čư̆ êa čar Daknông bi mklă: Čar srăng lŏ dơ̆ng mđing hĭn bruă mjuăt bi hriăm, mđĭ boh tŭ lehanăn ai tiê phung nai, kñăm dưi găn jih klei dleh dlan bi leh bruă mjut mjing anak mnuih. Ƀri bi hdơr hrue phung nai Việt Nam, phung khua kiă kriê čar Daknông mđup brei leh mnơ̆ng hdơr knga kơ knua druh nai mtô leh wĭt mdei, phung nai mtô kdlưn hĭn, mđup brei hră bi mni kơ 35 čô nai, lehanăn dŭm êpul phung nai mâo leh bruă yuôm bhăn dưi đru mguôp hŏng klei mjuăt bi hriăm.

Blŭ hơêč hmưi ti knăm bi hdơr, Hồ Văn Mười, khua knơ̆ng bruă sang čư̆ êa čar Daknông, mñă hŏng klei duh mkra ala ƀuôn ti Daknông dôk tuôm hŏng lu klei dleh dlan, ƀiădah bruă sang hră mơar mâo nanao klei bi mlih hlăm hdră mjuăt bi hriăm, hlue hdră êlan mlih mrâo hdră mtrô lehanăn hriăm mâo ba wĭt leh boh tŭ dưn yuôm bhăn kơ kluôm čar./.