Dak Nông mkŏ bruă mkăp brei leh anăn blei ba yua mnơ̆ng dhơ̆ng hŏng dŭm čar, ƀuôn prŏng
Thứ sáu, 14:31, 25/11/2022
VOV Tây Nguyên
VOV Tây Nguyên
VOV4.Êđê - 30 hră bi hdơr dưi bi klă leh hlăm klei kƀĭn trông mkŏ bruă mkăp brei leh anăn blei ba yua plah wah čar Dak Nông hŏng dŭm čar, ƀuôn prŏng dưi mkŏ mjing ti ƀuôn prŏng Gia Nghĩa.
Anei jing sa mta bruă hlăm dŭm bruă nah êngao klei kƀĭn trông tar rŏng lăn kơ ƀăng k’ưp čư̆ pui tal 20 dôk mkŏ mjing ti čar Dak Nông.
Hluê si dŭm hră mơar bi klă, čar Dak Nông bruă klam đru, ktrâo lač, mkŏ mjing klei găl kơ dŭm knơ̆ng bruă dŭm čar mkŏ bruă ba čhĭ mnơ̆ng dhơ̆ng phŭn, mnơ̆ng OCOP, bruă tuh tia krĭng ƀuôn sang êdah êdi…ti anôk mnia mblei čar Dak Nông, mkŏ mjing klei găl kơ dŭm knơ̆ng bruă 2 tĭng bi mguôp, mkŏ bruă mnia mblei, tui duah anôk ba čhĭ mnơ̆ng dhơ̆ng.
Bi hŏng dŭm čar nao hgŭm bi klă srăng hrŏng ruah dŭm anôk bruă mâo klei găl čiăng mkŏ mjing klei bi mguôp, hluê ngă dŭm mta phŭn bi mguôp.
Viết bình luận