Buă anei hŏng hnơ̆ng dưi mghaih msir hlăm brô 1.900m3/hrue mlam, pioh mghaih msir kơ 2.900 gŏ sang mnuih ƀuôn sang, mâo knŭk kna Dhŭng Korea pô đru, hlăk dôk mă bruă ti wăl krah Ƀuôn Hô. Tui si klei leh kuôl kă, Knŭk kna Dhŭng Korea srăng đru hơăi mung mang truh 9,2 êklăk USD lehanăn knŭk kna Việt Nam lŏ mbŏ prăk pô 760 êbâo USD čiăng ngă êlan mđuĕ êa khăt, lehanăn mghaih msir êa čhŏ hlăm ƀuôn prŏng ti wăl krah Ƀuôn Hô, čar Daklak.

Nguyễn Thiên Văn, K'iăng khua knơ̆ng bruă sang čư̆ êa čar Daklak brei thâo, bruă anei mâo leh KOICA čuăl mkă ksiêm dlăng, lehanăn mâo knŭk kna Dhŭng Korea bi mklă leh mơ̆ng hlăk thŭn 2024. Jih jang klei čuăl mkă, mkŏ mjing hdră êlan mă bruă mâo ngă leh hŏng klei ƀhĭ klĭ mơ̆ng akŏ thŭn anei, đru kơ dua nah bi hgŭm hlăm klei mă bruă, kñăm rơ̆ng dưi yuua prăk duh bi liê djŏ hdră, ba wĭt klei tŭ dưn, pioh kơ bruă mđĭ kyar kjăp hlăm alŭ wăl./.