Mơ̆ng anăn, kơ mta kñăm kluôm mđĭ kyar hlăm čar Daklak wưng thŭn 2021 – 2030, jing mđĭ kyar klei hdĭp mda, mnơ̆ng dhơ̆ng lehanăn ai tiê phung ƀuôn sang dưi truh ti hnơ̆ng kah knar hŏng kluôm ala, hlăm klei mđĭ kyar kjăp bruă duh mkra mnia mblei, rŭ mdơ̆ng Daklak jing anôk phŭn, sa anôk đĭ kyar hĭng ti Lăn Dap Kngư, ñu kmă hŏng alŭ wăl lehanăn ala tač êngao.

Truh thŭn 2050, Daklak jing anôk jăk, anôk năng hdĭp, anôk êđăp ênang hĭn, mâo klei duh mkra mđĭ kyar mtah doh, mâo hnơ̆ng prŏng kơ klei duh mkra hlăm êpul 25 boh čar djă akŏ hlăm kluôm ala. Čiăng dưi bi sĭt klei anei, Đinh Trọng Thắng, khua anôk bruă kiă kriê klei čuăl mkă, mơ̆ng phŭn bruă čuăl mkă lehanăn duh bi liê lač, Daklak bi mđing hĭn kơ anôk ngă bruă hŏng klei klă mngač, amâo mâo lĕ hlăm klei mđĭ mđăl, amâo dah kplôč hĕ đa đa bruă hlăm klei dôk mđĭ kyar./.