Mơ̆ng thŭn 2013 truh ară anei, kluôm ala dăp hơĭt kjăp mnuih ƀuôn sang kơ êbeh 112 êbâo gŏ êsei. Lu dŭm anôk mnuih ƀuôn sang dôk mrâo mâo anôk bruă duh mkra- ala ƀuôn jăk hĭn anôk hđăp.

Mbĭt hŏng dŭm hdră êlan klei êđăp ênang ala ƀuôn dưi pŏk ngă mđrăm mbĭt, klei hdĭp mnơ̆ng dhơ̆ng leh anăn ai tiê mnuih ƀuôn sang ƀrư̆ dưi mkra mđĭ, hơĭt kjăp leh anăn grăp knhuang dưi mđĭ. Khădah snăn, ară anei ăt dôk êbeh 16 êbâo gŏ êsei čŏng hiu dôk ka dưi dăp anôk dôk, lu jing ti dŭm čar Lăn Dap Kngư.

Čiăng ngă tŭ dưn Hdră dăp mnuih ƀuôn sang hlue si Hdră mtrŭn mrô 590 mơ̆ng Khua knŭk kna, rơ̆ng djăp hdră kñăm truh thŭn 2025 srăng dăp hơĭt kjăp mnuih ƀuôn sang kơ giăm 64.300 gŏ êsei, hlăm anăn mâo 10.500 gŏ êsei čŏng hiu dôk, klei bi kƀĭn bi trông, hưn mdah hdră msir. Hlăm anăn mđing lu hĭn kơ bruă hlue ngă hdră êlan kơ klei dăp lăn dôk, sang dôk, lăn mkra mjing, đru mđĭ kyar bruă duh mkra, bi hriăm bruă mă./.