Dhar bruă kƀĭn ala bi trông kơ klei čih ksiêm dlăng mrâo hdră hriăm, hdruôm hdră hriăm gưl 3
Thứ sáu, 10:31, 14/07/2023
VOV Tây Nguyên
VOV Tây Nguyên
VOV4.Êđê- Lŏ dơ̆ng hlăm hdră klei kƀĭn tal 24, hruê anei 14/7, Dhar bruă kƀĭn ala hmư̆ klei hưn kơ boh tŭ ksiêm dlăng kơ klei čih bruă ktuê dlăng mơ̆ng Dhar bruă kƀĭn ala hlăm bruă hluê ngă hdră mtrŭn mrô 88 thŭn 2014 Bruă kƀĭn ala gưl 13 leh anăn hdră mtrŭn mrô 51 thŭn 2017 Bruă kƀĭn ala gưl 14 kơ bruă mlih mrâo hdră, hdruôm hră hriăm gưl tlâo.
Blŭ hlăm klei kƀĭn, Khua bruă kƀĭn ala Vương Đình Huệ mñă klă: Klei čih ktuê dlăng mơ̆ng dhar bruă kƀĭn ala hlăm bruă hluê ngă hdră mtrŭn mrô 88 thŭn 2014 Bruă kƀĭn ala gưl 13 leh anăn hdră mtrŭn mrô 51 thŭn 2017 Bruă kƀĭn ala gưl 14 kơ bruă mlih mrâo hdră, hdruôm hră hriăm gưl tlâo jing yuôm bhăn sơnăk, mâo phung bi ala leh anăn mnuih ƀuôn sang uêñ mĭn.
Khua bruă kƀĭn ala mñă kơ Dhar bruă kƀĭn ala brei boh blŭ čiăng kơ êpul ktuê dlăng ksiêm duah, mđing hmư̆ leh anăn klă klơ̆ng mă bruă hŏng Phŭn bruă mtô mjuăt bi hriăm leh anăn knŭk kna êlâo kơ ba mdah hŏng Dhar bruă kƀĭn ala mkŏ mjing klei ktuê dlăng hlăm klei kƀĭn grăp tuôr ti mlan 8 kơ anăp.
Viết bình luận