Kñăm rơ̆ng bi hơĭt ênoh mnơ̆ng dhơ̆ng hlăm anôk ba čhĭ gưl Tết Nguyên đán Quý Mão 2023,  Knơ̆ng bruă sang čư̆ êa čar Dak Lak pioh leh êbeh 1500 êklai prăk čiăng mkăm pioh mnơ̆ng dhơ̆ng čiăng êdi. Êpul mnơ̆ng dhơ̆ng kƀĭn bi hơĭt ênoh ênil gưl knhal jih thŭn 2022 leh anăn Tết Nguyên đán Quý Mão 2023, mâo: braih mkuê̆ (braih, điŏ ƀâo mngưi mkra mjing hlăm ala čar), mnơ̆ng ƀơ̆ng (čĭm ŭn, čĭm mnŭ da, boh bip, boh mnŭ, êa praĭ, ƀêñ hra leh anăn dŭm mta mnơ̆ng ƀơ̆ng mkra mjing, djam tam, boh kroh.

Wưng bi hơĭt ênoh mơ̆ng hruê 30/11/2022 truh hruê 30/2/2023.  Ară anei mâo leh 10 anôk bruă duh mkra ti Dak Lak mkŏ mjing hdră kčah mprăp mnơ̆ng dhơ̆ng, mkăm pioh mnơ̆ng ba yua, ngă leh hlăm brô 1/4 klei mnuih ƀuôn sang čiăng ba yua. Êngao anăn, lu mnơ̆ng dhơ̆ng dưi mkăm pioh ti dŭm anôk ba čhĭ, dŭm sang mnia ti alŭ wăl,ăt jing sa hdră ba djăp kơ klei mnuih ƀuôn sang čiăng ba yua hlăm gưl Tết.