Hluê anăn čar Khánh Hoà ƀuăn srăng mkăp brei 930 êklai prăk hlăm ênoh giăm 1.930 êklai prăk čiăng duh bi liê kơ êlan anei, dŭm adôk mơ̆ng gưl dlông mkăp brei. Anei jing êlan hluh krĭng pla wah 3 čar Khánh Hòa, Ninh Thuận leh anăn Lâm Đồng.

Hdră anei dôk hlăm dŭm hdră yuôm bhăn hlăm ala čar, mâo ênoh prăk duh bi liê hlăm brô 1.930 êklai prăk. Êlan mkŏ 3 čar anei mâo bruă klam yuôm bhăn kyua dưi mkŏ mjing wăl mrâo hlăm klei mđĭ kyar bruă duh mkra ala ƀuôn kluôm ênŭm, bi hluh klei bi mguôp krĭng hŏng dŭm kdriêk čư̆ čhiăng ti čar Ninh Thuận, Lâm Đồng, mkŏ mjing klei găl čiăng mđĭ hĭn hdră bi kdơ̆ng, rơ̆ng bruă lĭng kahan, klei êđăp ênang ti alŭ wăl yŭ čar Khánh Hòa.