Êpul bi ala Bruă Kƀĭn Ala čar Dak Lak mă bruă hŏng dŭm knơ̆ng dhar bruă êlâo kơ klei kƀĭn tal 9, Bruă Kƀĭn Ala gưl 15
Thứ ba, 00:00, 15/04/2025
VOV TAYNGUYEN
VOV TAYNGUYEN
VOV4.Êđê- Êpul bi ala Bruă Kƀĭn Ala čar Dak Lak mâo leh mmông mă bruă hŏng Êpul gơ̆ng bruă ƀuôn sang, bruă sang čư̆ êa, dhar bruă mặt trận čar leh anăn bi ala dŭm knơ̆ng bruă, dhar bruă čiăng mprăp kơ mta phŭn klei kƀĭn tal 9, Bruă Kƀĭn Ala gưl 15.
Klei hưn hlăm mmông mă bruă brei ƀuh, Dak Lak dôk tuôm hŏng klei dleh dlan hlăm bruă dăp, mkăp brei leh anăn brei čan kơ dŭm hdră ala čar kñăm. Đa đa hdră ngă êmưt kyua kpăk gun êjai wưng anei gưl dlông ka jao prăk leh anăn tĭng mkă prăk bruă knuă thŭn 2025 kơ alŭ wăl.
Hlăm mmông mă bruă, phung bi ala ăt hưn mdah dŭm mta phŭn djŏ tuôm hlăm bruă lŏ hma leh anăn wăl hdĭp mda msĕ si bruă kriê dlăng, yua lăn lŏ hma, lăn dliê, klei dleh kpăk plah wah dŭm klei čuăn mơ̆ng hdră bhiăn dliê, hdră bhiăn yua mưn lăn dliê, bi klă ênoh dliê…Bruă hluê ngă dŭm hdră êlan duh bi liê, mjưh mdei klei kuôl kă ngă bruă mđĭ kyar sang dôk, ngăn prăk đru kơ gŏ sang giăm ƀun, mrâo tlaih ƀun lĭng čan đru kơ lăn dôk, sang dôk, lăn mă bruă, mlih bruă mă.
Viết bình luận