Êpul bi ala bruă kƀĭn ala čar Daklak mkŏ mjing klei bi tuôm hŏng mnuih ƀuôn sang leh klei bi kƀĭn tal 8
Thứ ba, 10:30, 10/12/2024
Pô mblang Y-Khem Niê/VOV Tây Nguyên
Pô mblang Y-Khem Niê/VOV Tây Nguyên
VOV4.Êđê- Tlam mbrue 9/12, Êpul bi ala bruă kƀĭn ala čar Daklak mkŏ mjing leh klei bi kƀĭn bi tuôm hŏng mnuih ƀuôn sang leh klei bi kƀĭn tal 8. Klei bi kƀĭn mâo mkŏ mjing ti ƀuôn prŏng Ƀuôn Ama Thuôt, lehanăn mkŏ online hŏng dŭm kdriêk: Krông Pač, Krông Ƀŭk, Čư̆ M’gar, Krông Hnang, Ea Sup leh anăn Buôn Đon.
Ti anôk bi kƀĭn, phung bi ala kơ mnuih ƀuôn sang čar Daklak mâo leh lu klei blŭ djŏ tuôm hŏng hdră êlan mđĭ kyar bruă duh mkra ala ƀuôn hlăm čar, msĕ si: Ênoh đru kơ bruă mđĭ kyar dliê hŏng klei kjăp, bruă mkŏ mkra krĭng ƀuôn sang mrâo.
Phung bi ala kơ mnuih ƀuôn sang čang hmăng kơ dŭm phŭn dhar bruă, lehanăn čar mâo klei mđing hĭn mghaih msir klei kơ lăn ala, sang dôk, lăn dôk hlue hdră ala čar kñăm mđĭ kyar klei hdĭp mda mnuih djuê ƀiă, krĭng čư̆ čhiăng, bruă čiu hnô dŭm gŏ sang tuôm hŏng klei knŭk kna hrui mă lăn ala pioh rŭ mkra phŭn pui Sêrêpôk 3, hdră mghaih msir sang hlang mtih kđuh./.
Viết bình luận