Kluôm ala ară anei mâo giăm 9 êklăk čô đội viên, êbeh 7 hđeh êdam ngiêk, hđeh điêt dôk tui hriăm hlăm giăm 25.000 êpul bruă đội ti dŭm sang hră knŭk kna leh anăn êngao knŭk kna. Hruê mmông êgao, bruă kriê dlăng, răng mgang, mtô mjuăt phung hđeh mơ̆ng dŭm gưl bruă Đoàn, bruă Đội mâo boh tŭ dưn klă sĭt.

Knŏng yap mă mơ̆ng thŭn 2018 truh kơ ară anei, Bruă đoàn dưi rŭ mdơ̆ng mrâo êbeh 12.400 anôk ngă bruă, anôk hlăp lêñ leh anăn đru kơ 3 êklăk 800 čô hđeh mâo klei hdĭp dleh dlan hŏng ênoh prăk êbeh 2 êbâo 600 êklai prăk. Mbĭt hŏng anăn, lŏ mkŏ mjing lu klei bi hmô jăk, klei ngă bruă jăk, djŏ guôp leh anăn truh hŏng jih jang phung đội viên, phung hđeh điêt.

Klei kbĭn anei kñăm bi trông, đru mguôp klei blŭ kơ dŭm klei hưn kơ klei čih, bi trông kơ dŭm mta phŭn kơ bruă hluê ngă hdră bruă hđeh Việt Nam bi lông hluê ngă 5 asăp Awa Hồ mtô, bi lar klei mbruă hlăm bruă hâo hưn kơ bruă răng mgang, mtô mjuăt phung hđeh, bruă klam mơ̆ng Êpul bruă đội hlăm bruă đru rŭ mdơ̆ng dŭm mbĭt anôk ngă bruă, anôk hlăp lêñ kơ phung hđeh, đru kơ phung hđeh mâo klei hdĭp dleh dlan leh anăn mđĭ hĭn boh tŭ hlăm bruă gang mkhư̆ klei mngăt êa hlăm phung hđeh…