Hlăm klei bi kƀĭn, bi ala kơ dŭm anôk bruă kriê dlăng knŭk kna, phung thơ̆ng kơ bruă duh mkra, anôk bruă duh mkra leh anăn êpul êya bi hgŭm bruă hưn mdah leh lu hdră msir čiăng mđĭ kyar gru hmô mkra mjing mtah, ba yua jih hnơ̆ng ngăn dŏ, bi hrŏ êwa jhat boh lăn, ăt msĕ mơh mđĭ klei dưi bi ktưn kơ krĭng wăl bruă duh mkra bi hgŭm.

K’iăng Khua knŭk kna Nguyễn Chí Dũng mñă klă, bruă bi mlih mtah jing leh klei brei ngă hŏng djăp bruă duh mkra. Knŭk kna ƀuăn rơ̆ng srăng hrăm mbĭt, mjing boh kdrŭt ktang mơ̆ng klei bhiăn, hdră êlan čiăng kơ krĭng wăl bruă duh mkra bi hgŭm bruă gĭr ktưn, đĭ kyar hlue si hdră mrâo mrang leh anăn tŭ dưn. K’iăng Khua knŭk kna mtă hlăm wưng kơ anăp, dŭm phŭn, dhar bruă leh anăn bruă sang čư̆ êa alŭ wăl pŏk ngă tŭ dưn klei bhiăn hdră êlan, hlăm anăn mâo Hdră mtrŭn 57 kñăm mjing klei êdah kdlưn kơ klei mlih mrô, ba yua klei kreh knhâo kdrăp mrâo hlăm bruă ngă mơ̆ng dŭm êpul hgŭm bruă.