Tlam mbrue 19/7, Êpul ksiêm dlăng mơ̆ng bruă kƀĭn ala mâo Thượng tướng Trần Quang Phương, K’iăng khua bruă kƀĭn ala ngă khua êpul hriê čuă lehanăn ngă leh bruă hŏng phung khua kiă kriê čar Daklak kơ boh tŭ dưn hlue ngă dŭm hdră mtrŭn mơ̆ng anôk bruă kƀĭn ala mâo: Hdră lăn čar kñăm, mkŏ mkra krĭng ƀuôn sang mrâo, hdră bi hrŏ ƀun hŏng klei kjăp wưng thŭn 2021-2025 lehanăn klei mđĭ kyar bruă duh mkra ala ƀuôn krĭng mnuih djuê ƀiă wưng thŭn 2021-2030.

 Klei hâo mdah mơ̆ng êpul ngă bruă, leh giăm 3 thŭn hlue ngă 3 lăn čar kñăm, bi mlih krĭng ƀuôn sang čar Daklak. Klei hdĭp mda mnuih ƀuôn sang djuê ƀiă ƀrư̆ ƀrư̆ dơ̆ng mâo klei bi mlih, dhar kreh yang ƀuôn mâo leh klei đĭ kyar, hnơ̆ng ênoh gŏ êsei ƀun knư̆ hrue knư̆ hrŏ. Klei hdĭp ai tiê mâo mđing uêñ hĭn. Siămdah, hlăm jih 3 hdră lăn čar kñăm ti Daklak ăt dôk tuôm hŏng lu klei dleh dlan mâo đa đa ênoh čuăn dleh dưi bi sĭt. Klei bi hrŏ ƀun klă sĭt adôk ka kjăp, adôk mâo lu gŏ êsei lŏ wĭt lĕ hlăm klei dleh dlan./.