Êbeh mkrah mlan êgao, Festival Mnga Đà Lạt tal 9 thŭn 2022 mphŭn pŏk hŏng lu hdră dưi mkŏ mjing ti Bảo Lộc, Đà Lạt lehanăn dŭm kdriêk djiêu gah, hlăm anăn lu êdi jing ti Đà Lạt. Čiăng rơ̆ng mkăp kơ klei čiăng hiu čhưn, mdei săn mơ̆ng tuê hiu čhưn, dŭm anôk bruă atăt tuê hiu čhưn, anôk đih đăm ti alŭ wăl mkra mđĭ leh siam, hưn mthâo lu hdră hiu čhưn mrâo. Mbĭt hŏng bruă mđĭ hnơ̆ng tŭ hdră kriê dlăng dŭm anôk bruă duh mkra hlăp čhưn, rơ̆ng klei êđăp ênang êlan klông ăt mâo anôk bruă djŏ tuôm ti alŭ wăl pŏk ngă.

Čar Lâm Đồng mâo êbeh 3.000 anôk đih đăm, êbeh 38.000 adŭ mdei, mkă kơ hlăm brô 75.000 čô tuê/hruê mlam., hlăm anăn, ƀuôn prŏng Đà Lạt dưi mkăp anôk dôk kơ êbeh 60.000 čô tuê/ hruê, ka tĭng ôh homestay, anôk đih mdei hlăm krĭng ƀuôn sang. Kyua anăn, hlăm wưng mkŏ mjing Festival Mnga Đà Lạt tal 9 lehanăn wưng Têt dương lịch, tết nguyên đán kơ anăp, Đà Lạt – Lâm Đồng amâo mâo kƀah anôk dôk msĕ dŭm thŭn êlâo ôh./.