Hŏng akŏ “Mnga Đà Lạt – Ênhiang mmuñ lu êa mil”, Festival mnga Đà Lạt tal 10 thŭn 2024 srăng mkŏ mjing mơ̆ng hruê 4/12 truh kơ jih hruê 31/12/2024, hŏng 10 hdră phŭn lehanăn 12 hdră mđing truh. Hlăm anăn, êngao 2 hdră mphŭn pŏk lehanăn mjưh ruê̆ mguôp hŏng mlam kkuh drông thŭn mrâo 2025, Festival mnga Đà Lạt tal 10 lŏ dơ̆ng mjing gru kruăk hŏng lu wăl anôk mnga dưi bi msiam djiêu gah ênao êa Xuân Hương lehanăn dŭm ktuê êlan hlăm ƀuôn prŏng Đà Lạt, mâo ƀuôn prŏng kpiê vang – čê – kphê – mnơ̆ng jăk Đà Lạt, knăm čhĭ mnga – djam mtam, hdră mjĕ mjuk dhar kreh kdŏ mmuñ hŏng lu ala čar Đà Lạt – Dhŭng Korea, Carnaval êlan mnga lehanăn knhuah gru siam….

Festival mnga Đà Lạt tal anei lŏ dơ̆ng bi mklă Đà Lạt jing ƀuôn prŏng Festival mnga Việt Nam, ƀuôn prŏng mrâo hlăm ênhiang mmuñ mơ̆ng UNESCO lehanăn jing ƀuôn prŏng hlăm “Êpul 5 ƀuôn prŏng Festival jăk êdi krĭng Asi”./.