Ară anei jih jang bruă mâo čar mkŏ mjing ênŭm leh, rơ̆ng mprăp jăk kơ jih jang klei hiu čhưn ênguê, hiu dlăng mơ̆ng phung tue. Hŏng akŏ: “Đà lạt ƀuôn prŏng 4 yan mnga”, Festival mnga Đà Lạt tal 9 anei mkŏ mjing mơ̆ng mlan 11 truh jih mlan 12, mâo ngă wăt hlăm dŭm kdriêk, ƀuôn prŏng hlăm čar.

Mbĭt hŏng 9 hdră phŭn, hlăm anăn mâo klei ngă bruă mơ̆ng knŭk kna hlue ngă hdră mtrŭn mrô 23, hrue 6/10/2022 mơ̆ng phŭn bruă kđĭ čar kơ klei mđĭ kyar bruă duh mkra ala ƀuôn, rơ̆ng kơ bruă răng mgang klei êđăp ênang krĭng lăn dap kngư truh kơ thŭn 2030, tă hdră truh kơ thŭn 2045, lehanăn bi trông kơ klei duh bi liê kơ krĭng lăn dap kngư... Festival mnga Đà Lạt tal anei lŏ mâo lu mta bruă hiu čhưn, rang mdah, msĕ si êlan êa čê – êa kphê – kpiê vang, knăm đĭ kpŭng bulong đung, anôk rang mdah djam mtam lehanăn mnga; Carnaval hlăm êlan klông, đuĕ hiu hlăm dŭm boh ƀuôn mnga, dŭm klei bi kƀĭn trông čhai kơ klei kreh knhâo, klei rang mdah mnơ̆ng čhĭ mnia hŏng tač êngao./.