Ară anei, ti čar Gia Lai mâo hlăm brô 8000 anôk bruă duh mkra, hŏng ênoh čih anăn êbeh 120 êbâo êklai prăk. Hlăm ênoh anei, mâo êbeh 47% jing anôk bruă duh mkra điêt. Kyua anăn, bruă mđĭ klei ktang mơ̆ng êpul êya mnia blei hŏng hdră mrô yuôm bhăn snăk hŏng mđĭ kyar bruă duh mkra ti alŭ wăl. Klei hriăm mjuăt mkăp klei thâo săng klă klơ̆ng kơ klei bi mlih mrô kơ anôk bruă duh mkra, klei mdê plah wah kriê dlăng anôk bruă duh mkra, kriê dlăng čhĭ mnơ̆ng dhơ̆ng djuê ana leh anăn mơ̆ng tur knơ̆ng kdrăp mrâo, bi mlih mrô leh anăn bruă ba yua bi mloh mrô djŏ guôp hŏng anôk bruă mnia blei điet, man dưn leh anăn êpul hgŭm bruă.

Bi mklă bi mlih mrô jing klei amâo dưi lui ôh, čar Gia Lai ăt mâo lu bruă ngă čiăng đru kơ dŭm anôk bruă duh mkra, msĕ si pŏk thiăm lu klei hriăm mjuăt, đru pŏk dŭm hla pŏk web ala ƀuôn, đru kơ dŭm anôk bruă duh mkra hưn mdah mnơ̆ng dhơ̆ng pô, boh nik mnơ̆ng dhơ̆ng lŏ hma leh anăn mnơ̆ng dhơ̆ng OCOP kơ dŭm anôk mnia blei điện tử./.