Hlăm anăn, dŭm mta mnơ̆ng dhơ̆ng boh mnga bruă lŏ hma mâo giăm 74%. Knŏng hjăn kphê mâo ênoh lu hĭn truh 435 êklăk USD. Hluê si aduôn Đào Thị Thu Nguyệt – k’iăng khua kiă kriê knơ̆ng bruă tuh tia čar Gia Lai, thŭn 2022, bruă duh mkra tar rŏng lăn mâo lu klei mlih amâo mâo jăk hŏng dŭm mta mnơ̆ng dhơ̆ng mnia mblei hlăm čar, boh nik jing klei ba yua hrŏ, ênoh prăk dŭ mdiăng đĭ ktang, klei mkăp brei mâo klei kpăk, klei mnia mblei truh kơ China mâo klei hrŏ.

Ƀiădah, kyua klei mbruă leh anăn ƀrư̆ hruê brư̆ thâo, dŭm knơ̆ng bruă mnia mblei ti čar Gia Lai dưi hmar tui tiŏ anôk mnia mblei, lu mta mnơ̆ng dhơ̆ng dưi mlih mơ̆ng mnia mblei êlan điêt jing êlan phŭn…đru mguôp prŏng hlăm boh tŭ mbĭt. Hluê si klei đăo knăl, jih thŭn anei, klei mnia mblei čar Gia Lai srăng êgao 660 êklăk USD.