Aguah mbruê, bruă Đảng čar Gia Lai mkŏ mjing leh Klei kƀĭn ksiêm wĭt 5 thŭn hluê ngă hdră mđĭ kyar bruă hiu čhưn ti alŭ wăl. Klei kƀĭn mâo mta kñăm truh ti thŭn 2025, Gia Lai drông 2,1 êklăk čô tuê, ênoh hrui mâo mŏng bruă hiu čhưn truh 1.400 êklai prăk.  5 thŭn êgao, hnơ̆ng đĭ kyar bruă hiu čhưn ênguê ti Gia Lai bi mlih, ênoh tuê lehanăn ênoh hrui đĭ grăp thŭn. Wưng 2017 – 2021, ênoh duh kơ anôk bruă nah gŭ hlăm hdră hiu čhưn êbeh 245 êklai prăk.

Wưng 2022 – 2025, Gia Lai tă hdră mđĭ kyar bruă hiu čhưn h’ĭt kjăp hluê klei găl, mâo phŭn, mjing gru kruăk jăk siam, msĕ si: Hdră hiu čhưn Ênao êa Nueng – Čư̆ Đăng Ya, Ưăl hiu čhưn drai êa Phú Cường, ưăl hiu čhưn Đang dliê knŭk kna mkuôm Kon Ka Kinh, ênao êa phŭn pui kmlă Sê San 4 – drai Mơ. Mkŏ mjing hdră hiu čhưn êpul êya, hiu čhưn krĭng ƀuôn sang./.