Mkŏ mjing êbeh tlâo mlan, mâo leh 7 gưl bi lông dưi mkŏ mjing, iêo mthưr êbeh 840 êbâo čô hlăm kluôm ala nao bi lông. Êpul mkŏ mjing klei bi lông mđup brei leh 147 klei pah mni kơ grăp čô mâo: 7 klei pah mni mrô 1, 14 klei pah mni mrô 2, 21 klei pah mni mrô 3 leh anăn 105 klei pah mni mđĭ ai. Êpul mkŏ mjing ăt bi klă mđup brei klei bi klă brei 3 klei pah mni êpul kơ 3 anôk bruă Đảng hlăm bruă Đảng čar, klei pah mni mrô 1 kơ anôk bruă Đảng kdriêk Ia Pa, 2 klei pah mni mrô 2 kơ anôk bruă Đảng ƀuôn prŏng Pleiku leh anăn anôk bruă Đảng kdriêk Čư̆ Prông.

Hlăm klei bi lông, jih jang dŭm gưl mnuih ƀuôn sang, knuă druh, đảng viên lŏ dơ̆ng thâo klă hdră tă, hdră êlan, klei mĭn mơ̆ng Đảng, klei bhiăn ala čar Việt Nam leh anăn klei bhiăn tar rŏng lăn kơ bruă kriê dlăng, răng mgang, klei dưi kiă kriê êa ksĭ, plao ksĭ ala čar.