Kluôm čar Gialai ară anei mâo 955 čô phung khua mduôn, mnuih mâo k’hưm kdlưn hĭn hlăm mnuih djuê ƀiă. Hlăm dŭm thŭn êgao, diñu mtrŭt mjhar leh phung ƀuôn sang bi mkrum mâo êbeh 700 êklai prăk, myơr êbeh 132 êbâo m2 lăn pioh rŭ mkra dŭm bruă kơ klei hdĭp mda ala ƀuôn, đru kơ êbeh 20 êbâo gŏ sang mnuih ƀun bi mlih knhuah hdĭp lehanăn duh ƀơ̆ng.

Truh ară anei, kluôm čar Gialai mâo leh 91 boh să djăp ênoh čuăn krĭng ƀuôn sang mrâo, klei hdĭp mda đĭ kyar hlăm krĭng mnuih djuê ƀiă, knhuah gru dhar kreh mâo kriê pioh lehanăn bi lar. Ƀri wưng anei, knơ̆ng bruă sang čư̆ êa čar Gialai, lehanăn knơ̆ng bruă mặt trận čar mđup brei leh hră bi mni kơ 200 čô mnuih mâo k’hưm hlăm mnuih djuê ƀiă./.