Ƀri gưl anei, bruă Đoàn čar Dak Lak mkŏ mjing leh Hdră ksiêm mkă dlăng, mbha êa drao, đru kčĕ klei suaih pral kơ dŭm êtuh čô ruă, mđup brei dŭm pluh hnư mnơ̆ng kơ gŏ sang knŭk kna dlăng ba, rŭ mkra 1 boh sang đru kơ mnuih knap mñao, ba jao 3 boh sang đru kơ phung êdam êra ba anăp hđăp, bi lông mjuăt asei mlei, kdŏ mmuñ kkuh m’ak Klei bi kƀĭn bruă Đoàn êdam êra Cộng sản Hồ Chí Minh kluôm ala tal 12.

Amai H’Giang Niê, Khua bruă Đoàn čar Dak Lak brei thâo, prăk hluê ngă hdră anei truh 250 êklăk prăk. Anei jing klei gĭr mơ̆ng êpul bruă Đoàn hlăm bruă iêu mtrŭt djăp ai dưi, klei mâo mđing kơ nah gŭ, boh nik hlăk ala čar drei mrâo găn wưng buh đĭ klei ruă tưp kjham êdi, ngă kơ hdră duh mkra, pla mjing, mnia mblei tuôm hŏng lu klei dleh dlan./.