VOV4.Êđê- Klei kƀĭn tal 4, Anôk bruă kƀĭn ala gưl 15 kƀĭn hlăm 21 hruê, pŏk hlăm hruê 20/10 lehanăn mjưh ruê̆ tlam hruê 15/11. Klei hưn mâo Adŭ bruă kƀĭn ala ba mdah tlam hruê 17/10. Ti knăm anei, Anôk bruă kƀĭn ala srăng bi mklă 7 klei čih mkra Hdră bhiăn, 3 klei čih mkra Hdră mtrŭn. Anôk bruă kƀĭn ala brei klei blŭ kơ 7 klei čih mkra Hdră bhiăn, năng mđing jing Hdră bhiăn lăn ala (mkra mlih). Ksiêm dlăng hră hưn mdah boh tŭ hdră kčah mđĭ kyar bruă duh mkra – ala ƀuôn, đăo tĭng ngăn prăk knŭk kna, hdră kčah duh bi liê ngăn prăk knŭk kna. Anôk bruă kƀĭn ala srăng ksiêm dlăng bruă “Hluê ngă hdră bhiăn mkiêt mkriêm, bi kdơ̆ng hŏng klei bi liê ti mang wưng 2016-2021. Djŏ tuôm kơ klei mnuih ƀuôn sang amâo ư ai wưng êgao, K’iăng khua dhar bruă duh mkra mơ̆ng anôk bruă kƀĭn ala Nguyễn Minh Sơn mñă: Brei Knŭk kna gĭt gai dŭm anôk bruă djŏ tuôm lŏ čih mkra klei bhiăn mkra mlih ênoh čhĭ hliê djŏ guôp, rơ̆ng klei tŭ kơ mnuih ƀuôn sang, anôk bruă duh mkra lehanăn phung mă bruă duh mkra blei mnia ba čhĭ êa pui, êa săng./.

VOV/Pô mblang: H’Nêč