Klei êmuh mkŏ mjing mơ̆ng hruê 3 truh 5-11. Dŭm êpul bruă mâo Bruă kƀĭn ala ruah êmuh jing: Mkŏ mjing, bruă knuă, hâo hưn lehanăn mtô mblang, ksiêm dlăng. Knhal tuič klei êmuh, Khua knŭk kna Phạm Minh Chính srăng bi mklă dŭm bruă djŏ tuôm lehanăn wĭt lač klei êmuh phung bi ala bruă Kƀĭn ala.

Sa mta phŭn yuôm bhăn mkăn jing Bruă kƀĭn ala bi trông kơ bruă hlue ngă hdră êlan, hdră bhiăn kơ bruă ngă klei mkiêt mkriêm, bi kdơ̆ng luič liê mang wưng thŭn 2016-2021 lehanăn hră čih Hdră bhiăn lăn ala (lŏ mlih mrâo). Jar mơ̆ng hră čih Hdră bhiăn mâo 16 mta, 245 klei, hlăm anăn djă pioh 28 mta, mbŏ 184 klei; mbŏ mrâo 41 mta lehanăn lăm lui 8 mta. Ăt hlăm hruê kăm mă bruă, Bruă kƀĭn ala bi trông kơ hră čih Hdră bhiăn gang mkhư̆ klei ngă prăk mgưt (lŏ mlih mrâo), hră čih Hdră bhiăn êpul hgŭm bruă lŏ mlih mrâo…