Knŏng hjăn hlăm dŭm mlan knhal jih thŭn mâo leh 1 êbâo 500 anôk bruă duh mkra bi hrŏ ênoh mnơ̆ng kuôl kă klei mkra mjing, ngă kơ 42 êbâo čô mnuih ngă bruă amâo mâo bruă knuă mă. Čiăng dưi đru kơ mnuih ngă bruă anăn dưi găn klei dleh dlan, Knơ̆ng bruă kiă kriê mnuih ngă bruă Việt Nam hgŭm leh hŏng anôk bruă biêr Saigon SABECO, lehanăn anôk bruă êdam êra gưl dlông mkŏ mjing hdră “Hrăm mbĭt bi mâo tết” mđup brei leh 8 êbâo hnư mnơ̆ng tết kơ mnuih ngă bruă hlăm kluôm ala. Hdră hrăm mbĭt bi mâo tết anei mkŏ mjing mơ̆ng hrue 7/1 truh hrue 15/1/2023.

Mơ̆ng anăn, 8 êbâo hnư mđup brei mnơ̆ng tết mâo ênoh 5 êklai 600 êklăk prăk srăng mâo jao kơ mnuih ngă bruă ti 11 boh čar hlăm kluôm ala. Hlăm grăp hnư hŏng ênoh 700 êbâo prăk, mâo 300 êbâo prăk ti anăp, lehanăn mnơ̆ng dhơ̆ng tết. Hlăm wưng tết, bruă anei lŏ mkŏ mjing ti 3 kwar ti 5 čar, ƀuôn prŏng mâo Hà Nội, Nghệ An, Bình Dương, Daklak, Long An hŏng lu klei hlăp mbul jăk./.