Ti knăm anei, phung bi ala lŏ bi hdơr kơ knhuah gru kdrưh kơăm mơ̆ng djuê ana, dŭm hdră mblah, bruă ngă tŭ kdlưn mơ̆ng Lĭng kahan lehanăn Mnuih ƀuôn sang hlăm hdră kdơ̆ng mblah, mkŏ mkra lehanăn răng mgang Ala čar dăl hlăm 80 thŭn êgao; krŭ wĭt ai tiê khăp kơ ala čar, khăp kơ hdră êlan yang ƀuôn ngă phŭn, klei ktưn hưn djuê ana, klei bhiăn “Mnăm êa hdơr kơ Hnoh”, “Hdơr knga tla ai”, krơ̆ng kjăp lehanăn mđĭ lar knhuah gru krŭ kdơ̆ng, pŏk rup siam “Lĭng kahan Awa Hô” mơ̆ng Lĭng kahan yang ƀuôn Việt Nam.

Đại tá Lương Đình Chung – Kơiăng khua bruă Đảng kahan krĭng V čang hmăng phung khua bruă kahan, khua gưl dlông, khua truh thŭn mdei bruă lŏ dơ̆ng mđĭ lar klei thâo “Thŭn khua jing gru mngač”, mâo lu klei đru mguôp tŭ dưn, klă sĭt mkăp kơ hdră mkŏ mjing êpul kahan knhăk, thâo, kjăp ktang, bi leh jih bruă klam mâo kčah jao, năng hŏng klei khăp mơ̆ng Đảng, Knŭk kna lehanăn Mnuih ƀuôn sang./.