Tlam mbrue (21/10), kahan ksiêm čar Daklak mkŏ mjing leh klei bi kƀĭn bi hdơr 60 thŭn hrue knhuah gru kahan ksiêm yang ƀuôn. Wưng leh êgao, kahan ksiêm čar Daklak hgŭm leh hŏng Êpul hgŭm Văn học nghệ thuật Daklak mkŏ mjing kơ knuă druh lĭng kahan dŭm klei bi lông mâo Phŭn bruă kahan ksiêm mkŏ mjing. Hlăm anăn, mâo 4 klei bi lông prŏng: Jing bi lông tui duah klei thâo săng kơ 60 thŭn Hrue knhuah gru kahan ksiêm yang ƀuôn, klei bi lông kơ kahan ksiêm yang ƀuôn hing ang, hŏng rup, lehanăn video mâo akŏ “Phung lĭng kahan mâo bruă klam răng mgang klei êđăp ênang yang ƀuôn” lehanăn klei bi lông Khua bi ala dhar kreh dlăng hră hlăm kahan ksiêm.

Wưng anei, knơ̆ng bruă sang čư̆ êa čar Daklak mđup brei leh hră bi mni kơ 25 êpul lehanăn mnuih mâo bruă tŭ dưn hlăm klei bi lông kơ klei bhiăn kahan, kơ klei bi lông mnah phao, bi lông mjeh. Phŭn bruă kahan ksiêm mdudp brei hră pah mni kơ mnuih mâo klei tŭ hĭn hlăm bruă bi lông rup, lehanăn video lač kơ kahan ksiêm ba klei êđăp ênang kơyang ƀuôn./.