Mơ̆ng anăn, mơ̆ng hrue 15/11/2022 truh hrue 5/2/2023, kahan ksiêm čar Daknông dơ̆ng mơ̆ng čar hlŏng kơ să tiŏ nao jih êpul êya pô, kdrăp mă bruă păn kjăp jih jang boh klei, pral mâo klei kăp lŏ kčĕ kơ gưl bruă Đảng, bruă sang čư̆ êa, lŏ dơ̆ng tiŏ nao jih êpul bruă kđi čar lehanăn jih jang phung ƀuôn sang, dưn yua jih ai ktang mâo bi kdơ̆ng, kăp kčŭt hŏng djăp mta klei amâo mâo jăk, phung ngă soh hlăm yang ƀuôn, mghaih msir bi leh ti anôk mâo klei amâo mâo jăk, wăl hdĭp mda amâo mâo hơĭt.

Blŭ hrăm ti anôk trŭn kơ bruă Đại tá Bùi Quang Thanh, Khua kiă kriê knơ̆ng bruă kahan ksiêm čar Daknông mtă kơ jih jang êpul kahan ksiêm kluôm čar mđĭ hĭn bruă klam, hlue ngă djŏ klei bhiăn, ngă jăk jih jang bruă kñăm čiăng dưi mkhư̆ jih klei amâo mâo jăk mơ̆ng phung ngă soh./.