Hruê mbruê (22-11), Êpul bi ala Anôk bruă kƀĭn ala čar Dak Lak mkŏ mjing leh Klei bi tuôm hŏng mnuih ƀuôn sang leh Klei bi kƀĭn tal 4, anôk bruă kƀĭn ala gưl 15. Khua hlăm Anôk bruă Đảng gưl dlông, Khua anôk bruă đru čung ba mnuih ƀuôn sang gưl dlông Bùi Thị Minh Hoài bi tuôm leh hŏng mnuih ƀuôn sang ti kdriêk Čư̆ Mgar lehanăn ƀuôn prŏng Ƀuôn Ama Thuôt.

Ti knăm anei, mnuih ƀuôn sang bi êdah klei m’ak ti anăp boh tŭ dưi mâo ti Klei bi kƀĭn. Boh nik, Anôk bruă kƀĭn ala bi mklă leh Hdră mtrŭn ba yua klei bhiăn mdê hjăn kñăm mđĭ kyar ƀuôn prŏng Ƀuôn Ama Thuôt. Ti knăm anei, mnuih ƀuôn sang ăt akâo dŭm bruă djŏ tuôm kơ hdră mtrŭn hŏng mnuih mâo bruă tŭ dưn, msir mghaih hdră bruă ngă soh, ênua mdrao mgŭn kơ gŏ sang ƀun, klei hbâo pruê mgưt amâo tŭ jăk hmăi truh kơ hnơ̆ng tŭ mnơ̆ng pla, êlan klông jhat rai brei mâo klei mđing kñăm mkra mđĭ./.