Hruê mbruê, khua anôk bruă kƀĭn ala Vương Đình Huệ drông Khua dhar bruă hŏng tač êngao mơ̆ng Anôk bruă kƀĭn ala Lào Sanya Praseuth, Khua dhar bruă hŏng tač êngao, bi hgŭm lu ala čar, hâo hưn lehanăn mtô mblang Anôk bruă kƀĭn ala Campuchia Sous Yara ƀri gưl nao ti Klei bi kƀĭn đru kčĕ plah wah 3 dhar bruă hŏng tač êngao mơ̆ng Anôk bruă kƀĭn ala 3 ala čar Campuchia - Lào - Việt Nam.

Ti knăm anei, Khua dhar bruă hŏng tač êngao Vũ Hải Hà hưn mthâo hŏng Khua anôk bruă kƀĭn ala kơ boh tŭ klei bi kƀĭn đru kčĕ plah wah 3 dhar bruă anei. Hluê anăn, 3 anôk bruă bi trông ba mdah hŏng phung khua anôk bruă kƀĭn ala 3 ala čar mkŏ mjing klei bhiăn bi tuôm êpul gưl dlông mơ̆ng 3 ala čar. Khua bruă kƀĭn ala lač, dŭm bruă phŭn bi trông mâo leh klei sa ai hlăm bruă mđĭ hĭn klei bi mjĕ, bi hgŭm mơ̆ng 3 ala čar, boh nik hlăm hdră mđĭ kyar bruă duh mkra – ala ƀuôn./.