Leh êbeh 4 mlan hriăm mjuăt, hŏng ai tiê gĭr ktưn mơ̆ng êpul knuă druh, lĭng kahan, boh nik phung khua kahan nao hgŭmgĭt gai hlăm hdră hriăm mjuăt kơ dŭm êpul, hdră anei ba wĭt leh boh tŭ dưn. Khua Anôk bruă kiă kriê klei hâo hưn Gưl dlông čih yap lehanăn bi mni ai tiê mjuăt bi hriăm mbĭt anăn mtă kơ dŭm êpul mđing răng kơ klei suaih pral, mprăp jăk kơ knăm trŭn ruê̆ kahan ƀri knăm bi hdơr 50 thŭn Hruê mtlaih êngiê kwar Dhŭng.

Nguyễn Trọng Nghĩa mñă, phung khua Đảng, Knŭk kna lehanăn Anôk gĭt gai Gưl dlông ksiêmdlăng, tĭng dlăng myuôm bruă mjuăt bi hriăm dŭm êpul mơ̆ng anôk bruă lĭng kahan, kahan ksiêm Ƀuôn prŏng Hồ Chí Minh lehanăn lu alŭ wăl mkăn hlăm kluôm ala. Knăm anei amâo djŏ knŏng jing wưng mpŭ mni kơ hƀuê ênuk ƀiădah lŏ ba mơĭt klei čiăng hmăng hlăm ala čar, lĭng kahan ƀrư̆ hruê ƀrư̆ kjăp ktang./.