Gưl Khua gĭt gai Đảng Tô Lâm nao čhưn ti Kazakhstan čang hmăng srăng ba klei bi hgŭm dua nah đĭ sa hnơ̆ng mrâo leh anăn lu hră mơar bi hgŭm yuôm bhăn hlăm lu mta bruă srăng dưi bi siñê. Mĭn tĭng hlăm jar gưl nao čhưn hƀuê ênuk anei mơ̆ng Khua gĭt gai Đảng Tô Lâm, dua ala čar srăng mâo klei hưn mtrŭn kơ jar bi hgŭm ti sa hnơ̆ng mrâo, djŏ guôp hŏng klei čang hmăng leh anăn klei tŭ dưn mơ̆ng mnuih ƀuôn sang dua ala čar.

Hlue si hdră leh mjưh ruĕ klei mă bruă ti Kazakhstan, Khua gĭt gai Đảng Tô Lâm leh anăn mô̆ ñu, leh anăn Êpul bi ala gưl dlông ala čar drei srăng nao čhưn gưl knŭk kna ti Cộng hòa Azerbaijan, nao čhưn ti Russia leh anăn nao hlăm Knăm bi hdơr 80 thŭn Hruê mblah dưi hlăm klei bi blah răng mgang ala čar yuôm bhăn leh anăn nao čhưn gưl knŭk kna ti Cộng hòa Belarus truh hruê 12/5/2025.